طباخ الريس

بسم الله الرحمن الرحيم
اخوانى واخواتى اعضاء منتدى حدوته الكرام

طباخ الريس
اكيد كلنا سمعنا عن الفيلم ده وفى كتير منا شافه

وحكاية الفيلم للناس اللى مش عارفينه ان الريس كان ميعرفش اى حاجة عن اللى بيحصل حوالية فى البلد سواء غلى الاسعار او المحسوبية اللى انتشرت او او او الا بالصدفة من خلال طلعت زكريا(طباخ الريس) وكان فاكر ان الكشرى بنص جنية واستغرب اوى لما عرف انه بتلاتة او خمسه جنيه ولما عرف ان الاسعار بقت فى العلالى كده اقال وزير التموين
وان المسئولين اللى حواليه كانو بيحاولوا بكل الطرق انه ميعرفش اى حاجة بتحصل فى البلد لدرجة انهم لما قرر انه ينزل الشوارع ويتكلم مع الشعب كانه انسان عادى خلوه يوم اجازة رسمى وعملوا بيان ان فى كسوف للشمس وان اشعتها مضرة للعين واللى ينزل فيها ممكن يتعمى وطبعا حضرته نزل لاقى الشوارع فاضيه خالص مافيهاش اى حد وطبعا كل ده علشان ميعرفش من الشعب اية اللى بيجرى فى البلد وهما اللى هيروحوا فى داهية وطبعا كل المصالح اللى كانو بيحصلوها من ورانا طبعا هتضيع من ايديهم


المهم اللى عاوز اطلع منه من الحكاية دى كلها ازاى يبقى رئيس مسئول عن بلد وعن الشعب ده كله ومش عارف اللى بيحصل فيها فى اراء بتقول انه مش بينزل الشارع ولا بيشترى اى حاجة كل حاجة بتجيله جاهزة هيعرف الاسعار منين وان ممكن يكون اللى حواليه فعلا بيحاولوا يبعدوه عن االاعلام او اى حاجة ممكن تخليه يعرف اللى بيحصل لدرجة انه ميعرفش كل البلاوى اللى مغرقه البلد دى

طب ازاى هو مسئول عنهم ومش عارف انهم مش لاقيين ياكلوا ومتبهدلين اية لازمته بقى فى البلد مش فاهم مش معقولة للدرجة



انتم بقى اية رائيكم شايفين انه ممكن يكون مظلوم زى الصورة اللى الفيلم رسمهاله ولا العكس ؟